Саясаттанушы: Өзбекстаннан орыстар қаша бастайды

19 просмотров

Саясаттанушы Әзімбай Ғали Өзбекстандағы жағдайдың бұдан ары қарайғы өрбуіне қатысты ойларымен бөлісті, — деп хабарлайды Qamshy.kz.

together090101a(2)«Ислам Каримов өлген соң тепе-теңдік сақталмайды. Аталған персоналардың бір-екеуі тұра көтеріледі, оларды шетінен қамай бастайды. Халық көшеге шығады, бірақ ірі қалаларда жастар шеруін осы жолы атуға әскер бата алмайды. Тәшкен мен Самарқан, Ферғана ғана емес, оның үстіне дағдарыс күшейіп тұр, халық шаршағанын айтады», — деп жазады ол.

Ә. Ғали ел басшылығына И. Кәрімовтің қызы Л. Кәрімова-Тилляева келгенімен, ол елдегі тұрақтылықтың сақталуына кепіл бола алмайтынын айтады. «Өзбекстанның қазіргі заман тарихында жаңа кезеңі басталды дей бер. Билікке келесі диктатор келу керек еді, әйтпесе дүрбелең кезеңі басталады. Бірақ Лола билікті Өзбекстанда ұстай алмайды. Екі-үш айдың ішінде билікті қайта бөлісу басталады. Бұл күреске Тәшкен мен Самарқанның студенттері мен ересек оқушылары да қатысады. Лола тек өтпелі кезеңде биліктің басында тұрушы. Басқару вертикалі босаңси бастайды. Экономикалық және әлеуметтік келеңсіздіктер бетке, көшеге шығады. Ислам Кәримовтың кезінде жағдайымыз нашар болды дейді көпшілік сөзі: бұл Лола кетсін деген сөз», — дейді ол.

Саясаттанушы елдегі шиеленіске нарықтық қатынастардың әділ принциптері орнамағандығы себеп болатынын айтады.

«Өзбекстанда нарықтық қатынастар жеткіліксіз көлемде енген. Либералдық еркіндік тіпті аз. Әкімшілік шектеу көп. Қышлақтан қалаға, Самарқанға, Ташкенге көшу, бару, тұру үлкен қиындық туғызады. Ресейге кету қиын, Ресейден келсең тонайды. Осыдан былай Халық коррупциямен күресуді ту ғып көтереді. Бірнеше коррупциянер фамилиялары аталады.Корейлер мен орыстар Өзбекстаннан қашады. Бізді иммиграциялық режим қатаңдау керек. Тек оралман қазақты қабылдау керек», — дейді Ә. Ғали.

Загрузка...