Саясаттанушы Әзімбай Ғали Өзбекстандағы жағдайдың бұдан ары қарайғы өрбуіне қатысты ойларымен бөлісті, – деп хабарлайды Qamshy.kz.
«Ислам Каримов өлген соң тепе-теңдік сақталмайды. Аталған персоналардың бір-екеуі тұра көтеріледі, оларды шетінен қамай бастайды. Халық көшеге шығады, бірақ ірі қалаларда жастар шеруін осы жолы атуға әскер бата алмайды. Тәшкен мен Самарқан, Ферғана ғана емес, оның үстіне дағдарыс күшейіп тұр, халық шаршағанын айтады», – деп жазады ол.
Саясаттанушы елдегі шиеленіске нарықтық қатынастардың әділ принциптері орнамағандығы себеп болатынын айтады.
«Өзбекстанда нарықтық қатынастар жеткіліксіз көлемде енген. Либералдық еркіндік тіпті аз. Әкімшілік шектеу көп. Қышлақтан қалаға, Самарқанға, Ташкенге көшу, бару, тұру үлкен қиындық туғызады. Ресейге кету қиын, Ресейден келсең тонайды. Осыдан былай Халық коррупциямен күресуді ту ғып көтереді. Бірнеше коррупциянер фамилиялары аталады.Корейлер мен орыстар Өзбекстаннан қашады. Бізді иммиграциялық режим қатаңдау керек. Тек оралман қазақты қабылдау керек», – дейді Ә. Ғали.