Саратовта адамдарымен қоса үйді өртеп жіберген өзбекстандық айыпталуда

138 просмотров

Ресейдің Саратов облысының прокуратурасы 28 жастағы бұрын сотталған Өзбекстан азаматы Уйгун Боброевқа қатысты айыптау қорытындысын шығарғанын мәлімдеді. Ол кішкентай сәбиді және бір ер азаматты өлтіріп, бес адамға қастандық жасады деп айыпталады.

Тергеу ісі бойынша, 2015 жылдың 24 желтоқсаны түнінде Маркс ауданында Боброев 20 жастағы танысы Галинамен ерегісіп қалғаннан кейін, оның жеке үйін өртеп жібереді. Осыдан кейін танысының әжесіне тиесілі көрші үйге де өрт қояды.

Өрттен 2012 жылы туған сәби мен 33 жастағы психикалық ауытқуы бар ер азамат қайтыс болған. Тағы үш адам жергілікті тұрғындардың көмегімен құтқарылған.

Айыпталушы өзінің кінәсін жартылай мойындаған. Ол 8 жылдан 20 жылға дейін бас бостандығынан айырылуы немесе өмір бойы түрме жазасына кесілуі мүмкін.

4a54df39-a634-4c7f-8d2f-73085d6b6766_cx0_cy13_cw0_w987_r1_s_r1

Загрузка...