«Самұрық-Қазына» еліміздің 9 облысына әлеуметтік қолдау көрсетеді

19 просмотров

Samruk-Kazyna Trust қоры еліміздің 9 облысына әлеуметтік қолдау көрсетеді. «Менің елім» бағдарламасы аясында шалғай елді мекендерде инфрақұрылым мен әлеуметтік нысандарды күрделі жөндеуден өткізу жоспарланған. Бұл бағытта жыл сайын «Самұрық-Қазынадан» үш миллиард теңге бөлінеді, деп хабарлайды 24.kz.

Пилоттық жоба тұңғыш рет Ақмола облысына қарасты Аршалы ауылында жүзеге асты. Жергілікті мектептің спорт залына күрделі жөндеу жұмыстары жүргізіліп, керекті жабдықтармен қамтылған. Сондай-ақ орталық саябақта спортты серік еткен кез келген азаматтың дайын құрылғылармен жаттығуына мүмкіндік жасалған. Жалпы Аршалы ауылында осы жобаны жүзеге асыру үшін 100 миллион теңге көлемінде қаражат жұмсалды.

Дархан Қалетаев, «Самұрық-Қазына» АҚ басқарушы директоры:

— Жаңартылып жатқан нарселер бұл тек қана спорттық нысандар ғана емес, бұл әлеуметтік жағынан да бар. Қазір мына инфузиондық мектептер де бар. Соған байланысты көптеген өзгерістер бар. Қазір біз Білім және ғылым министрлігі арқылы сол жағынан мәліметтер алдық, сол мәліметтердің арқасында дайындалып жатырмыз. Республика бойынша 100-ден астам мектеп бар. Ол жерде де медицина жағынан әлеуметтік жағынан жұмыс жасауға бағытталып жатыр.

ea54ad59a0a3e5a1364e96a220c79b5f_l

Загрузка...