Елімізде жол ережесін бұзып, айыппұл төлеуден жалтаратындар банк картасын да қолдана алмайтын болды.
Өйткені, Ішкі істер министрлігі жауапсыз жүргізушілердің есеп шотын жауып тастамақшы деп хабарлады КТК телеарнасы.
Сөйтіп, қарызын төлемей қашып жүргендердің банк картасы бұғатталып, оған түскен айлығын да ала алмайды. Тек, айыппұлын өтеген соң карта бұғаттан шығарылмақ. Жалпы өтелмеген қарыз, төленбеген салық және айыппұл болса, шетелге шығуға да тыйым салынған.
Тахир Әбдірахманов, Астана қалалық ішкі істер департаменті жол полициясы бөлімінің бастығы:
– Жол ережесін бұзған адам жұмыс орнын жасыратыны белгілі. Егер ол айыппұл төлемесе, біз Зейнетақы қоры арқылы оның жұмыс орнын анықтап, басшысына ескертеміз. Егер жалақысының бір бөлігін қарызын төлеуге бөлмесе, іске сот орындаушылары араласады. Олар банк картасын бұғаттайды.