Сафар Шәкеевті іздеуші еріктілер басқа жігітті тауып алды

39 просмотров

Сафар Шәкеевті іздеу барысында еріктілер жадынан айырылған басқа жігітті тауып алды.

Бұл туралы Сафар Шәкеевті іздеу жұмыстарына қатысып жүрген Бекнұр Қисықов Фейсбуктегі жеке парақшасына жазды.

— Достар, іздеу барысында жадынан айырылған мына бір жігітті кездестіріп қалдым. Ол №7-ші аурухананың жансақтау бөлімінде жатыр. Оны көлік қағып кеткен. Амнезия. Жасы шамамен 30-да. Кім екенін, үйі қайда екені есінде жоқ. Алматыда ағасы бар екенін айтады. Ауруханада жатқанына 1 апта болды. Мүмкін біреулер танып қалар. Өзін Махмұд Әлиевпін дейді. Бірақ бұл анық емес, — деп жазды ол.

Еске сала кетейік, 1991 жылы туған Сафар Шәкеевтің жоғалғаны туралы хабар Медеу аудандық ішкі істер басқармасына 16 шілдеде шамамен сағат 22:00 түсті. Оны 110 полицей мен 60 ерікті іздеді.

Атап өтейік, белгілі қазақстандық композитор ұлының қай жерде екенін айтқан адамға 10 млн теңге беретінін айтқан.

Загрузка...