Сақ болыңыз! «Ислам мемлекетінің» жансыздары пойыз жолаушыларын үгіттеп жүр

188 просмотров

Халықаралық террористік ұйым Орталық Азия елдерінен Ресейге қатынайтын пойыздарды үгіт-насихат орнына айналдырған.

Бұл туралы Шанхай ынтымақтастық ұйымының (ШЫҰ, құрамына Қазақстан, Қырғызстан, Қытай, Ресей, Тәжікстан және Өзбекстан кіреді) Аймақтық террорға қарсы құрылымдары Атқарушы комитетінің директоры Евгений Сысоев мәлімдеді. Ол ШЫҰ мүше елдердің халықаралық терроризм және экстремизмге қарсы күресте әріптестік орнату мәселелері туралы конференцияда баяндама жасады.

«Тәжікстан, Қырғызстан және Қазақстанның құқыққорғау органдары 2015 жылы халықаралық террористік ұйымдардың мемлекеттер арасында қатынайтын пойыздардағы шабармандарын үгіт жүргізіп жүрген кезінде ұстады», — деді Сысоев.

Оның айуынша, терроршылар Ресейге оқуға жол жүрген ТМД студенттерін арбауға тырысқан.

Сысоевтың айтуынша, 2015 жылы Ресейдің Федералдық қауіпсіздік қызметі Орталық Азия елдеріндегі әріптестерімен бірге, аймақта түрлі террористік ұйымдарға мүше болған 80-ге жуық адамды ұстады: Тәжікстаннан — 50 адам, Қырғызстаннан — 20, Өзбекстаннан — 8. Олардың барлығы еліне қайтарылып, жауапқа тартылды.

baffa66a-2652-40fd-a2dc-990edb93148a_w987_r1_s

Загрузка...