Сәпиев: «Олимпиадада бокстан кем дегенде бір алтын аламыз»

43 просмотров

Бокстан Олимпиада чемпионы, «Астана Арланс» клубының бас менеджерi Серiк Сәпиев Рио Олимпиадасында қазақстандық боксшылар кем дегенде бір алтын медаль алады деген үмітте.

Бұл туралы BNews.kz хабарлайды.

«Мен болжам жасай алмаймын. Дегенмен, Лондондағы Олимпиададан жоғары жетiстiстiкке жетеміз деп үміттенемін. Алтын медаль мiндеттi түрде болады. Бiрақ, қандай спорт түрлерiнен алатынымызды айта алмаймын. Бүгiнгi таңда елiмiзде бокстан мықты ұлттық құрама жасақталды. Барлық жағдай жасалған. Кем дегенде бiр «алтын» алуы керек», — дейді Олимпиада чемпионы.

Серiк Сәпиев ҚР Бокстан ұлттық құраманың бас бапкерi де «алтын» алуды жоспарлап отырғанын айтады.

«Қиын болатыны түсінікті. Бiрақ, бұл олардың қолынан келедi деген сенiмдемiн. Өзiм де Рио Олимпиадасына барып, спортшыларға қолдау көрсетемiн», — деп түйіндеді ол.

Айта кетейік, Рио-де-Жанейродағы Олимпиада биыл 5-21 тамыз аралығында өтеді.

Загрузка...