Сұмдық қой мынау! Алматыдағы көз ауруларын зерттеу институты қазақты масқара етуде

17 825 просмотров

Алматыдағы Қазақ көз аурулары ғылыми зерттеу институтының күндізгі стационары қабырғасында ілінген стендтегі мемлекеттік рәміздер туралы ақпаратта қателер өріп жүр. Тыныс белгілері немесе әріптік қате болса бір жөн, ол арада сөйлем ішіндегі сөздердің өзі бір-біріне қабыспайды.

Ел үшін, елдік үшін маңызды қастерлі мәліметке 31-арнаның тілшісі Ирина Советжанқызының көзі түскен. Масқара бұл жайтқа, әрине ол бей-жай қарай алмай, оны суретке түсіріп, әлеуметтік желіге орналастырған.

„Масқара! Көз институтының күндізгі стационар жағы. Мына стендке тапсырыс бергендер, оны жасағандар, қайтадан қабылдап алғандар қазақ болмай тұр ғой? Әйтпесе, бұл сорақылықты байқамай қалу мүмкін емес қой…„ деп жазады Ирина Советжанқызы Фейсбуктегі жеке парақшасында.

«ҚР Мемлекеттік рәміздер туралы» Заңына сәйкес, мемлекеттік рәміздер және оған қатысты дүниелер мінсіз қолданылуы тиіс. Сондықтан мемлекеттік рәміздер туралы мәліметке жүрдім-бардым қарау арқылы мұқым қазақстандықтың құқығын таптаған Алматыдағы көз институтына осы заң аясында шара қолданылатын болар деп ойлаймыз.

Загрузка...