Бүгін Рио Олимпиадасында грек-рим күресінен өнер көрсеткен қос балуанымыз бірінші кездесуіндегі қарсыластарын жеңіп, жанкүйерлерін бір желпініп тастап еді. Алайда келесі кездесу қос балуан үшін де сәтсіз болды.
Бүгін Риодағы Олимпиада грек-рим күресінен 1/8 финал бойынша сайыста қазақстандық спортшы Алмат Кебісбаев жапон балуаны Шинобу Отадан жеңіліп қалды.
Сол секілді бүгін грек-рим күресінен сынға түскен жерлесіміз Досжан Қартықов екінші белдесуінде әзербайжандық Эльвин Мурсалиевтен ұтылып қалды.
Ол осыған дейін, бірінші белдесуінде Грузия балуаны Зураб Датунашвилиді 2:0 есебімен жеңген еді.