Бүгінгі жарысты қазақстандық спортшылар ішінде ең алғашқы болып Юрий Юрков бастайды.
Ол Астана уақытымен 18:00-де іріктеу сынында мылтықпен оқ атудан бақ сынайды деп хабарлады Sports.kz.
Тура осы уақытта жарыстың 1/32 бөлігінің үздігін анықтауда садақшыларымыз Сұлтан Дүзелбаев пен Луиза Сайдиева күш сынайды.
Сағат 19:00-де 73 келі салмақта татамиге дзюдошы Дидар Хамза шығады.
Сағат 22:10 уақытында жалғыздан байдарканы тақымдаған Екатерина Смирнова додаға түседі.
Бүгін үш боксшымыз да өнер көрсетеді: сағат 2:00-де 49 келіде Біржан Жақыпов, сағат 3:30-да 75 келіде Жәнібек Әлімханұлы және сағат 4:00-де 91 келі салмақта Василий Левит.
8-тамыздағы қазақстандық спортшылардың өнерін 62 келідегі ауыр атлет Фархад Харки түйіндейтін болады.