Тек еліміздің батысында ғана аптап ыстық сақталады.
Бұл туралы ҚР ІІМ төтенше жағдайлар комитетінің ресми сайтында хабарланды.
23-тамызда еліміздің оңтүстік шығысы және солтүстік-батысының басым аумағында жаңбыр жауып, найзағай ойнайды.
Қазақстанның оңтүстік-шығысында бұршақ болуы ықтимал, қатты жел тұрады, оңтүстік пен батысында шаңды дауыл болады.
Ақмола, Солтүстік Қазақстан, Қарағанды облыстарының кей жерлерінде түнде және таңертең тұман күтіледі.
Оңтүстік Қазақстан, Қызылорда облыстарында, түнде Маңғыстау, күндіз Атырау облыстарының кей жерлерінде қатты жел тұрады, шаңды дауыл болады.
Жамбыл облысының кей жерлерінде бұршақ жаууы ықтимал.
Күндіз Алматы облысында жел тұрады.
Күндіз Батыс Қазақстан облысында қатты ыстық, кей жерлерінде өте қатты ыстық болады.
Атырау, Ақтөбе, Маңғыстау облыстарында да аптап ыстық болады.