Футболдан алматылық “Қайрат” клубының жартылай қорғаушысы ресейлік футболшы Андрей Аршавин қазақ тілін үйреніп жүр.
Rsport.ru орыс басылымына берген сұхбатында маусым аралық үзілісте “Кубань” командасы сапынан “Қайратқа” ауысқан 35 жастағы футболшы Алматыда тұрып жатқандықтан қазақ тілін үйренуді жоспарлап жүргенін айтқан.
– Мен қазірдің өзінде тіл үйреніп жүрмін. Шын мәнінде, кей сөздерді біліп те алдым. Қар – бұл снег, орталық – центр деген сияқты. Қазақ тілі – мен үшін қиын тіл. Дегенмен, уақыт өте келе оны үйреніп, түсіне аламын деп ойлаймын, – деді Аршавин.
Аршавин “Қайратпен” “1+1” шарты бойынша келісімшартқа отырған еді.