РФ боксері Евгений Тищенко Левитпен арадағы жекпе-жекке қатысты өз көзқарасын білдірді.
Ол жерлесіміз Василий Левитті төрешілердің бірауыздан шығарған шешімімен жеңіп кетті. Алайда бұған осы ойынды тамашалаған залдағы жанкүйерлер мүлде келіспей, ысқырып, улап-шулап, наразылық білдірген еді.
– Төрешілердің маған тағар кінәсі жоқ. Мен жекпе-жек сырттан қалай қабылданды, қандай көрініске ие болды, оны білмеймін. Мен өз жеңісім үшін қуаныштымын.
Егер Василий Левитке әділетсіздік жасалды десе, онда шынымен де ол үшін өкініш білдіремін.
Жалпы Қазақстан құрамасы мен жанкүйерлері үшін де. Бірақ, бұл жекпе-жекте жеңісті менің еншіме тиесілі деп тапса, демек төрешілердің негізі бар. Тағы да мен сырттан қандай да пәтуа айта алмаймын. Мен рингте болдым, сондықтан жанкүйерлердің әрекетіне мен баға бере алмаймын, – деді Тищенко деп хабарлады vesti.kz.
Залдағы наразылық жүлдені табыстау кезінде де үдеп, бір сәтке тоқтамады. Ал Тищенко Ресей гимні ойнағанға дейін берекесі қашып, өңі бозарып, әбден дегбірсізденді. Сол кезде отандасымыз сұқ саусағын көтеріп, залдағы жанкүйерлерді тыныштандыруға тырысты.