Ресейге көшіп кеткен Қазақстан хоккейшісі өлі күйінде табылды

57 просмотров

Ресейдің Новосібір қалалық полициясының қызметкерлері танымал ресей-қазақстан хоккейшісі Петр Девяткиннің өлі денесін тапты.
Бұл туралы «Спорт-экспресс» ресейлік басылымы жазды.

39 жастағы Девяткин Мәскеудің «Динамосы», «Нефтехимик», «Салават Юлаев», «Спартак», «Амур» сынды ресейлік клубтардың сапында ойнаған.

Ол 1998 жылы Наганода өткен Олимпиадаға Қазақстан құрамасы сапында өнер көрсетті. Негізінен, Петр Геннадьевич Девяткин 1977 жылдың 8 наурызында Өскемен қаласында дүниеге келген. Өскемен хоккейінің түлегі, шабуылшы. Ресей чемпионы, Азия ойындарының чемпионы (1999), 1998 жылғы Олимпиада ойындарының ширек финалына жеткен.

„ Новосібір қаласының Ленинск ауданында өз-өзіне қол жұмсауы ықтимал ер адамның денесі табылды. Оның жанынан өмірімен қош айтысқан хат табылды. Тергеу комитеті бұл іспен айналысып жатыр„ — дейді құзырлы орган өкілі РИА Новости агенттігіне берген мәліметінде.

Соңғы кездері Девяткин Сахалинде балалар бапкері болып қызмет еткен. Петрдің артында келіншегі және кішкене баласы қалды.

Загрузка...