Ресейдің Орталық сайлау комиссиясы биыл қыркүйекте Мемлекеттік дума сайлауына қатысуға үміткер партиялардың өтініштерін қабылдап болды. Комиссияға 24 партияның 22-сі құжат тапсырды.
Дегенмен Әлеуметтік реформалар партиясының құжаттарынан қателік табылған соң, саяси партия парламенттің төменгі палатасындағы орындар үшін партиялық тізім бойынша таласудан бас тартты, деп хабарлады РИА «Новости».
Заңға сәйкес, Орталық сайлау комиссиясы құжат тапсырылғаннан кейінгі жеті күннің ішінде партиялық тізімдерді бекітуі керек.
Бұл сайлаудың бұған дейінгілерінен ерекшелігі, енді Мемлекеттік дума құрамының бір бөлігі партиялық тізіммен, келесі бөлігі – бір мандаттық округтердегі сайлау нәтижесімен жасақталады.