Ресейде бүгін мемлекеттік дума сайлауына дауыс беру басталды. Ең алғаш болып Қиыр Шығыстағы Камчаткадағы сайлау учаскелері ашылды.
Бұл туралы Азаттық жазады.
Мемлекеттік дума сайлауына 14 саяси партия түсіп жатыр. Соңғы екі сайлаудан айырмашылығы – бұл жолы парламенттегі 450 орынның тең жартысына партиялық тізім бойынша, ал қалғанына бір мандаттық сайлау округтері бойынша өткен дауыс беру нәтижесінде жеңіске жеткен кандидаттар сайланады.
Соңғы апталарда өткізілген жалпыұлттық сауалнамалар нәтижесі биліктегі «Единая Россия» партиясын сайлаушылардың жартысына жуығы қолдайтынын көрсеткен. Парламенттегі орындардың жартысына жуығын иемденген партия айқын басымдыққа ие болады.
Ресейде өткен парламент сайлауларында дауыс беру барысында заң бұзу оқиғалары тіркеліп, наразылықтарға ұласқан.