Мәскеуде 2-қыркүйекте таңертең Кутузов даңғылының 35 үйі маңындағы ірі жол көлік апатында бір адам қаза тапты.
Ал екінші көліктің жүргізушісі ауыр халде ауруханаға жеткізілді деп хабарлады РИА Новости. Қаза тапқан – РФ президенті істері басқармасы автокөлік кәсіпорынының жүргізушісі болып шықты.
„Президент істерін басқарушы Александр Колпаков жүргізушінің отбасы мен туған-туыстарына қайғырып көңіл айтады„ деп мәлімдеді РФ президенті істері басқармасының баспасөз хатшысы Елена Крылова.
Видеода Mercedes жүргізушісінің көлікті басқара алмай, қарсы бетке шығып кетіп, президенттік нөмірдегі BMW көлігімен соқтығысқаны анық көрініп тұр.
Екінші көлік жүргізушісі ауыр жарақатпен ауруханаға түсті. Кейіннен РЕН ТВ ресейлік телеарнасы ауруханаға түскен адамның 38 жастағы Ян Камилов деген азамат екенін мәлімдеді.