Ресей паралимпиада құрамасын Қысқы ойындардан да шеттетті

13 просмотров

Паралимпиада комитеті допинг дауы кесірінен Ресейдің паралимпиада командасын 2018 жылы Оңтүстік Кореяда өтетін қысқы ойындардан шеттетті. Ресей командасы бұған дейін қыркүйекте өтетін Рио паралимпиадасынан да шеттетілген еді.

Бұл туралы Азаттық хабарлайды.

Паралимпиада комитеті мұны 29 тамыз күні хабарлап, Ресейдегі мүмкіндігі шектеулі атлеттердің әлемдегі ең мықты спортшылардың бірі екенін айтып, өкініш білдірген. Ал құқық қорғаушылар Ресей үкіметінің елдегі мүгедектерді қолдауға көп назар аудармайтынын айтады.

Допингке қарсы халықаралық агенттік Ресей үкіметін «бірнеше жыл бойы олимпиада мен паралимпиада ойындарына қатысатын жүздеген спортшысының допинг пайдаланатынын жасыруға көмектесіп келген» деп айыптайды.

Өткен аптада төрелік соты Ресейдің Рио олимпиадасына қатысу туралы апелляциялық арызын қанағаттандырмай тастады.

6CEE7B44-84AC-4A21-A79B-E684E50C4771_w987_r1_s

Загрузка...