ҚР білім және ғылым вице-министрі болып Бибігүл Асылова тағайындалды

164 просмотров

ҚР білім және ғылым вице-министрі тағайындалды. Бұл туралы министрліктің баспасөз қызметі хабарлады.

„Вице-министр қызметіне Бибігүл Асылова келді. Бұған дейін ол ҚР Қаржы министрлігінің жоспарлау және әлеуметтік саланы дамыту департаментінің директоры қызметін атқарған еді„ делінеді министрліктің баспасөз хабарламасында.

Тахир Балықбаевтың орнына келген Бибігүл Асылова 1975 жылы Көкшетау облысында дүниеге келген. Ол 1996 жылы Қазақ мемлекеттік басқарма академиясын тәмамдады.

Еңбек жолын да Көкшетау облыстық қаржы басқармасынан бастаған. Қаржы министрлігінің түрлі бөлімдерін, экономика және бюджетті жоспарлау министрлігінің, мәдениет, ақпарат және спорт министрлігінің, еңбек және халықты әлеуметтік қорғау министрлігінің де департаменттерінде болған. Статистика агенттігінде де қызмет атқарған.

Загрузка...