Qazaq AIR әуе компаниясы Samsung Galaxy Note 7 құрылғысын алып жүруге тыйым салды

65 просмотров

QAZAQ AIR әуекомпаниясы жолаушыларына «Samsung Galaxy Note 7» смартфонын борт ішінде қосу, қолдану және де қуаттандырудан бас тартуға кеңес береді. Сонымен қатар, Samsung Galaxy Note 7 құрылғысын тіркелген жүкпен алып жүруге болмайтынын хабарлады.

Бұл туралы Қазақпарат жазды.

«Samsung Electronics компаниясы, Әуе Транспортының Халықаралық Қауымдастығы (IATA) мен ҚР Азаматтық авиация комитеті Samsung Galaxy Note 7 мобильді құрылғысына қатысты жариялаған ресми мәлімдеме негізінде, QAZAQ AIR әуекомпаниясы жолаушыларына аталған құрылғыны борт ішінде қосу, қолдану және де қуаттандырудан бас тартуға кеңес береді. Сонымен қатар, Samsung Galaxy Note 7 құрылғысын тіркелген жүкте өткізуге болмайтынын хабарлайды», делінген хабарламада.

QAZAQ AIR компаниясы аталған құрылғы істен шығып, өздігінен қызып, түтіндей бастаса немесе жоғалып кеткен жағдайда, әуе бортының экипажына хабарлауды сұрайды.

Әуе компаниясы бұл шара Samsung Galaxy Note 7 құрылғысының өздігінен жануының жиілеуіне және өндірушінің тауарды кері шақыртуына байланысты екенін мәлімдеді.

Еске сала кетейік, 13 қыркүйек күні Air Astana жолаушыларына ұшақ бортында Samsung Galaxy Note 7 құрылғысын қолдануға тыйым салған.

20160916113430

Загрузка...