Сәрсенбі күні америкалық заң шығарушылар Құрама Штаттардағы сайлау науқанына ресейліктердің араласуын зерттеу жөнінде тәуелсіз комиссия құруды қарастыратын заң жобасын таныстырды.
Заң жобасын демократ конгресшілер Эрик Суолвел және Элайя Каммингс ұсынды. Олар компьютерлік қауіпсіздік, сыртқы саясат және сайлау заңманалары салаларының өкілдерін комиссияға шақыруын сұрады. Оларға куәгерлерден жауап алуға, тергеуге қажетті құжаттарды сұратуға құқық беріледі.
Мұндай арнайы комиссияның болашағы әзірге бұлыңғыр. Конгресс оны бекіткенімен, заңға АҚШ президенті қол қоюы керек. Дональд Трамп The Time журналына берген сұхбатында электрондық жазбалардың қолды болуының артында Ресей ғана емес, кез келген адамның тұруы мүмкін екендігін мәлімдеді.
Америкалық баспасөздің хабарлауынша, америкалық тергеу агенттігінің мұндай әрекетке Ресейдің қатысы барын айғақтайтын дәлелі бар.