Владимир Путин 10 генералды қызметінен босатты

105 просмотров

Ресей президенті Владимир Путин күш құрылымдарының әр деңгейіндегі 10 генералды қызметінен босатты.

Мұндай жарлық ресейлік құқықтық ақпарат интернет порталында жарияланды.

РФ Тергеу комитетінің Шешенстан жөніндегі басқармасының басшысы Сергей Девятов, Тергеу комитетінің астаналық басшысының орынбасары Алексей Зязев және Төтенше жағдайлар министрлігі аппаратының жетекшісі Роберт Киреев өз қызметінен айырылды.

Президент жарлығымен РФ Тергеу комитетінің сыбайлас жемқорлыққа қарсы күрес саласындағы процессуалдық бақылау қалалық басқарма басшысының орынбасары, генерал-майор Дмитрий Шершаков және Тергеу комитеті қызметін қамтамасыз ету қалалық басқарма жетекшісінің орынбасары, генерал-майор Виталий Фролов отставкаға жіберілді.

Сонымен бірге, РФ Ішкі істер министрлігі басшысының орынбасары, генерал-майор Вячеслав Андреев, Краснояр аймағы бойынша РФ ІІМ қалалық басқармасының басшысы, генерал-лейтенант Вадим Антонов, РФ ІІМ басқару Академиясы басшысының орынбасары, генерал-лейтенант Василий Быкадоров, Оренбург облысы бойынша Ресей ТЖМ қалалық басқармасының басшысы, генерал-майор Петр Иванов, РФ ІІМ ведомстводан тыс күзет қалалық басқармасы басшысының бірінші орынбасары, генерал-майор Алексей Лаушкин және РФ Тергеу комитеті Тамбов облысы бойынша тергеу басқармасының жетекшісі, генерал-майор Александр Тисковский өз қызметтерінен босатылды.

Загрузка...