Президент тәуелсіздіктің 25 жылдығын лайықты деңгейде ұйымдастыруға тапсырма берді
Ақордада қауіпсіздік жайы да қызу талқыланды. Үкіметтің кеңейтілген отырысынан соң Елбасы Кауіпсіздік кеңесінің жиынын өткізді.
Онда еліміздің қауіпсіздік стратегиясы мен Ұлт жоспарын іске асыру жан-жақты талқыланды. Алда келе жатқан барша қазақтың ұлық мерекесі – Тәуелсіздіктің 25 жылдығы да басты назарда. Президент оны лайықты деңгейде ұйымдастыруды нықтап тапсырды. Ал облыс әкімдері әлеуметтік міндеттерді толық орындап, жұртты жұмыспен қамтуды бірінші кезекке қою тиіс. Елбасы күш құрылымдарының басшыларына да бірқатар міндеттер жүктеді.
– Дегенменен, біздің ішкі сыртқы қауіпсіздігіміз, дүниежүзінде болып жатқан неше түрлі лаңкестік келеңсіз жағдайлдардың барлығы Қазақстанға өз ықпалын тигізеді. Сондықтан осы мәселелерді егжей тегжейлі қарайтын боламыз. Ағымдағы жылы бірқатар айтулы тарихи күндер оның ішінде Қазақстанның Тәуелсіздігінің 25 жылдығы өздеріңізге белгілі. Осы мерекелерді және басқа шараларды бізге лайықты атап өту қажет.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе