Польшада ардагерлер арасында өткен әлем чемпионатында павлодарлық Омар Джанаргалиев чемпион атанды.
Жасы 60-ты алқымдаса да спорттан қол үзбеген ардагер осы жеңісі арқылы еркін күрестен халықаралық дәрежедегі спорт шебері атағы нормативін орындады деп хабарлады „Хабар-24„ телеарнасы.
Омар Джанаргалиев, ардагерлер арасында еркін күрестен әлем чемпионы:
– Қазақстанның әнұраны орындалып, көк байрағы желбіреген сәтті көріп тебіреніп кеттім. Өзімнің кішкентай жеңісім арқылы спорттың дамуына үлесімді қосып, елімнің мәртебесін көтеріп жатқаныма қуандым. Салауатты өмір салтын ұстанып, спортты кеңінен насихаттап жүрмін. Өзімнің дәрежемді іспен емес, нақты дайындықпен көрсете алдым деп ойлаймын.