Полиция күдікті Руслан Күлікбаевтың пәтерін тінтіді

130 просмотров

Алматылық полицейлер атыс ұйымдастырып, бірнеше адамның өмірін қиған Руслан Күлікбаевтың жалдап тұрған пәтерін анықтады.

Бұл туралы Алматы қалалық Ішкі істер департаментінің баспасөз қызметі хабарлайды. 

Айта кетсек, бұдан бұрын полиция қызметкерлері Күлікбаев жалдап тұрған пәтерде күдік туғызатын, оның ішінде, азаматтарға қауіп төндіретін заттардың сақталуы мүмкін екендігін айтқан.

– Тексеру шараларын жүргізу барысында азаматтардың қауіпсіздігін мейлінше қамтамасыз ететін шаралар жүзеге асырылды. Сөйтіп, Күлікбаев жалдап тұрған көпқабатты тұрғын үйдің тұрғындары қауіпсіз жерге көшіріліп, оның маңайы қоршауға алынды.

Тексеру барысында жалдамалы пәтерден қандай да бір қауіпті немесе күдікті зат табылған жоқ, – дейді ІІД өкілдері.

Атап айтсақ, қазіргі таңда Қазақстан Республикасы Қылмыстық кодексі 99-бабы 2-бөлімі, 269-бабы 2-бабы, 380-бабы 2-бөлімі, 255-бабы 4-бөлімі, 291-бабы 1-бөлімі, 200-ббы 4-бөлімі сотқа дейінгі тергеу жүргізіліп жатыр. Аталған фактілер Алматы қаласы Алмалы аудандық ішкі істер басқармасының және Алматы қаласы бойынша ҰҚКД-інің Сотқа дейінгі істерді тергеудің бірыңғай тізімінде тіркелген.

Жүргізушіге жасалған қарақшылық шабуыл және әйел адамды өлтіру фактілері ҚР ҚК-нің 99-бабы 1-бөлімі және 192-бабы 2-бөлімі бойынша тергелуде. Аталған қылмыстарды тергеу мақсатында ведомствоаралық жедел-тергеу тобы құрылды.

Загрузка...