Құпия. Ресей Нидерландыға Украинада құлаған МН17 ұшағының мәліметтерін жіберді

76 просмотров

Ресей Нидерландға 2014 жылдың шілде айында Украинаның шығысында құлаған Малайзия MH17 ұшағының мәліметтерін жіберді. Бұл жөнінде голландық БАҚ хабарлайды.

Нидерландтың әділет және қауіпсіздік министрі Ар ван дер Стёр дебат кезінде депутаттарға Мәскеудегі Нидерланд елшілігіне 26 қазанда құлаған ұшақтың мәліметтері берілгенін растады. Алайда бұл мәліметтер Ресейдің уәде еткені ме, оны апатты зерттеу жөніндегі халықаралық комиссия тексереді деді.

2014 жылдың 17 шілдесінде Амстердамнан Куала-Лумпурға қарай бет алған «Боинг-777» ұшағы Украинаның шығысында атып түсірілді. Борттағы 298 адамның бәрі қайтыс болды.

Биыл қыркүйек айының аяғында Нидерланд прокуратурасының төрағалық етуімен Халықаралық тергеу тобы апат салдарының ресми қорытындысын жариялады. Баяндамада «Боингті» құлатқан «Бук» зенит зымыраны Украинаға Ресейден әкелінгені айтылды. Зымыран ресейшіл сепаратистердің бақылауындағы Первомайский ауданынан ұшырылған. Баяндамада күдікке ілінген азаматтардың жалпы саны – 100 адам.

Кремль болса баяндаманы шындыққа сәйкес келеді деп айтуға болмайды деп мәлімдеді. Ресей сыртқы істер министрлігі мәлімдеме бір жақты жасалған деп баға берді.

d1819160-493d-4f54-ae0d-e8032f9367a3_w987_r1_s

Загрузка...