Петропавлда базар өртенді

25 просмотров

Петропавлда «Дария» базарының аумағындағы өрт ауыздықталды. Бұл туралы СҚО ТЖД баспасөз қызметі хабарлады.

57393538e98591463366968

«15 мамырда сағат 19:00-де 101 телефонына Петропавл қаласындағы Бостандық көшесі, 22 мекенжайында орналасқан «Дария» базары аумағында өрт шыққаны туралы хабар келіп түсті. Сағат 19:06-да оқиға орнына ТЖ департаментінің «Өрт сөндіру және апаттық-құтқару жұмыстары қызметі» мемлекеттік мекемесінің бөлімшелері келіп жетті. Өрт салдарынан үш сауда павильоны, базардың негізгі ғимаратына жапсыра салынған құрылыстың металлдан жасалған төбесі бүлінді. Өрт жалпы ауданы 48 шаршы метр аумақты шарпыды. Келушілер болмағандықтан базар аумағында көшіру жұмыстары жүргізілген жоқ», — делінген хабарламада.

Өрттің қауіптілігі ескеріліп, оған үшінші шақыру нөмері (жоғарғы) берілді, оны ауыздықтауға 11 бірлік техника және «Өрт сөндіру және апаттық-құтқару жұмыстары қызметі» мемлекеттік мекемесінің 38 адамнан жеке құрамы жұмылдырылды.

Өртті сөндіру үш учаскеде жүргізілді, жедел іс-әрекеттің арқасында жалынның базардың негізгі ғимаратына жайылуына жол берілген жоқ.

Өрт толық жойылды. Құрбан болғандар мен зардап шеккендер жоқ. Оқиғаның себебі мен келтірілген шығындар анықталуда.

Загрузка...