Педофил зорлаған 6 жасар ақтаулық қыз әлі хәл үстінде жатыр

2 718 просмотров

Көп қан жоғалтқан бүлдіршіннің денсаулығы соңғы бірнеше күннің ішінде тым нашарлап кеткен.

Бұл туралы КТК хабарлайды.

Астанадағы Ана мен бала ғылыми орталығында жатқанына бір ай болса да беті бері қарар емес. Қыздың тіпті, аяқ қолы ісіп, миының жартысы істемей қалыпты. Сондықтан уайымнан өзегі өртенген ата-анаға да баласы жатқан бөлмеге ауық-ауық кіруге рұқсат жоқ.

Естеріңізге салсақ, елді дүрліктірген жантүршігерлік оқиға 20-шы тамыз күні болған. 6 жастағы қыз жоғалып кетіп, бірнеше сағаттан соң қансыраған сәби Ақтау шетіндегі саяжайдан табылған болатын. Сөйтсе, педофил бүлдіршінге ойына келгенін істепті. Көп ұзамай азғын да тұсталып, қамауға алынды. Ол 32 жастағы Ақтау тұрғыны.

62741

Загрузка...