Педагогтар мен медиктер Израильде тағылымдамадан өтетін болды

31 просмотров

Астанада «Халықаралық бағдарламалар орталығы» Акционерлік қоғамы (бұдан әрі — ХБО АҚ) және Тель-Авив университеті (ТАУ) арасында өзара ынтымақтастық туралы меморандумға қол қойылды. Құжатқа ХБО АҚ президенті Гани Ныгыметов пен ТАУ президенті Иосиф Клаф қол қойды.

20160531103150

Халықаралық бағдарламалар орталығы баспасөз қызметінің хабарлауынша, меморандум мақсаты білім саласындағы халықаралық ынтымақтастықты дамыту, оның ішінде, өзара қызығушылық танытатын мәселелер бойынша ХБО АҚ және ТАУ арасындағы қызметтестікті орнату және ықпал ету болып табылады. Атап айтқанда, серіктестік шеңберінде Израильге Қазақстаннан  ғылыми, педагог және медицина қызметкерлерінің тағылымдамадан өтуі бойынша қысқа мерзімді оқу бағдарламалары ұйымдастырылады, сондай-ақ курстар, семинарлар, тренингтер мен білім саласындағы Израиль тәжірибесін зерделеу бойынша мастер-кластар өткізіледі деп күтілуде.

Астанадағы Қазақстан мен Израильдің іскерлері мен ғалымдарының қатысуымен өткізілген меморандумға қол қою шарасын Қазақстан Республикасындағы ТАУ достары қауымдастығы ұйымдастырды.

Қол қою рәсімінің қатысушылары меморандум шеңберінде өзара іс-қимылдың үлкен перспективаларын атап өтті. Бүгінгі күні ТАУ әлемдік деңгейдегі инновациялық кәсіпкерліктің жоғары оқу орны болып табылады. ТАУ-дың Инновациялар және кәсіпкерлік орталығы Израиль үкіметімен тығыз байланыста, әлемнің басқа да институттарымен және зерттеу орталықтарымен, өнеркәсіптік компанияларымен ынтымақтастықта жұмыс жасайды.  Сонымен қатар, ТАУ-да Ramot  коммерциалау кеңсесі мен StarTAU кәсіпкерлік орталығы жұмыс жасайды.

Загрузка...