Павлодардағы республикалық сайыста астаналық ұстаздар үздік атанды

187 просмотров

Павлодарда екі күнге созылған ІІ республикалық педагогикалық оқулар өз мәресіне жетті. 16 аймақтың мұғалімдері бақ сынаған бұл жарыста «Ең үздік команда» аталымы Астана қаласының ұстаздарына бұйырды.

Бұл туралы pavlodarnews.kz хабарлайды.

-«Бастауыш білім беру» аталымында алматылық Бекзат Нысанбаева мен павлодарлық Жанар Жақсылықова топ жарды. «Орта білім беру» аталымында алматылық Айгүл Елікбаева, қарағандылық Медет Сейтбек пен Құралай Мұханова жеңімпаз атанды.

«Қосымша білім беру» мен «Техникалық және кәсіптік білім беру» аталымында астаналық Брониславас Бугинас, Нұрзат Байбосынов пен Жаннат Мылтықбаеваға тең келер ешкім болмады. Ақмолалық Айсұлу Шаяхметова жоғарғы білім беру бойынша, шығысқазақстандық Алма Әубәкірова, Бақтыгүл Келдібаева, Тұрсынгүл Шайхынова педагогикалық менеджмент бойынша көш бастады, — деді «Өрлеу» ұлттық біліктілікті арттыру орталығының кафедра жетекшісі Роза Әшімбетова.

Ыбырай Алтынсаринның 175 жылдығына арналған педагогикалық оқулар барысында ҚР Білім және ғылым министрлігінің жауапты хатшысы Әмірхан Рақымжанов өңір ұстаздарымен «Жас дарын» мамандандырылған мектебінде кездесіп, бірқатар білім нысандарын аралап шықты.

Загрузка...