Павлодарда үш адам иіс тиіп, ауруханаға түсті

14 просмотров

Павлодарда таңертең иіс тиіп, уланған үш адам ауруханаға жеткізілді.

Олар бір отбасындағы — күеуі мен әйелі және баласы, деп хабарлайды pavlodarnews.kz.

Төтенше жағдайлар департаментінің баспасөз қызметінде мәлім еткендей, кезекші телефонына сағат 6.45-те қоңырау келіп түскен. Белгілі болғандай, Жетекші кентінде Сәтбаев көшесі, 47 мекенжайы бойынша пештің ақаулығының салдарынан үш адам иістеніп, уланды. Зардап шеккендер №1 ауруханаға жеткізілді.

— 1950-ші және 1981-ші жылы туған ер адамдар және 64 жастағы әйел терапия бөліміне жатқызылды. Бүгінгі күні олардың жағдайын дәрігерлер орташа деп бағалайды. Науқастар ауруханада жеті күн ем алады, — деді денсаулық сақтау басқармасының баспасөз хатшысы Махаббат Мұхамадиева.

Еске сала кетелік, ҚР Төтенше жағдайлар комитеті 1-қыркүйекте еліміздің солтүстігі мен шығысында күн күрт суытып, үсік жүретінін ескерткен.

Загрузка...