Павлодарда электр желісінде болған ірі апаттың салдары бүгін жойылды

22 просмотров

Павлодарда кеше соққан қатты дауылдан жарықсыз қалған қаланың басым бөлігіне бүгін таңертең электр энергиясы берілді.

Павлодарда өткен күні 37 544 тұрғынның үйі жарықсыз қалған деп хабарлайды pavlodarnews.kz.

«ПАВЛОДАРЭНЕРГО» АҚ-тың баспасөз қызметі ұсынған ақпаратқа сүйенсек, апат орнында болған «ПРЭК» АҚ-тың өндірістік-жөндеу бригадасы мен облыс әкімінің бірінші орынбасары Дүйсенбай Тұрғанов, барлық басқармалардың өкілдері жедел электр жарығын қосуға атсалысты.

Еске сала кетейік, Циолковский көшесі, 151 мекенжайы бойындағы Шығыс өндірістік аумақтың бірнеше кәсіпорынның 1200 шаршы метр төбесі ұшып кеткен. Сондай-ақ 110 кВ электр беретін құрылғылардың екі шыңжырлы желісі мен үш фазаның зақымдануы қаланың орталық, шығыс бөлігі мен шығыс өндірістік аймағын электр қуатымен қамтамасыз ететін қосалқы станциялардың істен шығуына әкелді.

Загрузка...