Көрнекі киіз үй Парижде өтіп жатқан Алматының 1000 жылдық мерекесі аясында орнатылыпты.
Негізгі көрме павильоны заманауи киіз үй түрінде жасалған. Киіз үй қазақ дәстүріне сай өрнектелген екен. Айта кетсек, 2014 жылы қазақ пен қырғыздың киіз үйі ЮНЕСКО-ның мәдени мұра тізіміне енген.
Киіз үйдің ішінде үлкен экрандар орнатылған. Бұл жерге бас сұққан адам осы экраннан заманауи Алматыны тамашалай алады. Бейнебаяндардың ұзақтығы шамамен 10 минут. Осы 10 минуттың ішінде Шарын шатқалы, Көлсай және Қайыңды көлі, Бартоғай суқоймасы, Шымбұлақ таушаңғысы курорты және Медеу мұз айдынының кереметтері қамтылады.