Паралимпияда ойындарының ашылу салтанатында ел президентіне халық наразалық білдірді

96 просмотров

Бразилия президенті Мишел Темер Рио-де-Жанейродағы «Маракана» аренасында болған салтанатты рәсім кезінде сөйлеген сөзінде 2016 жылғы Паралимпиядалық ойындарды ашық деп жариялады.

Темердің сөйлеп жатқан кезінде жұртшылық бірнеше рет ысқырып, наразылықтарын білдірді, деп хабарлайды ТАСС.

Сондай-ақ, өз кезегінде Халықаралық паралимпиядалық комитеттің басшысы (IPC) Филипп Крейвеннің Бразилия үкіметіне ризашылық білдірген шағында да осындай жағдай қайталанды.

Еске сала кетелік, жуырда Бразилия президенті Дилма Роуссефф сенаттың шешімімен қызметінен кетті, оның орнына вице-президент Темер президенттің уақытша міндетін атқарушы болып тағайындалып, жаңа үкіметті жасақтады.

Айта кетсек, жарыс барысында спорттың 22 түрінен 528 медаль жиынтығы сарапқа салынады. Бағдарлама бойынша бәсекелер 8- 18 қыркүйек аралығында өтеді.

Загрузка...