Парақор екен. Алматы қаласының бұрынғы бас қаржы полицейі сот алдында жауап беруде

87 просмотров

Әмірхан Аманбаевқа «қызмет бабын асыра пайдаланды», «ұйымдасқан қылмыстық топ құрып оны басқарды», «ақша жымқырды» және «ірі көлемде пара алды» деген айып тағылып отыр.Бұл туралы КТК хабарлайды.

Сондай-ақ сотта тағы 35 адамнан айыпталушы ретінде жауап алынуда. Олардың қатарында фирма басшылары, көлік жөндеушілер мен мүгедектер де бар. Барлығына да қылмыстық топ құру, жалған кәсіпкерлікпен айналысу, заңсыз қару-жарақ және есірткі сақтау баптары бойынша айып тағылып, қамауға алынған.

Алайда қазір ұсталғандардың тек 14-і қамауда отыр. Қалған 12 азамат кепілдікпен босатылып, Аманбаевтың өзі бастаған тағы тоғызы үйқамаққа алынған. 1340 томға арқау болған қылмыстық істе Әмірхан Аманбаев басты айыпталушы ретінде жауапқа тартылады. Бұрын Алматы қалалық қаржы полициясын басқарған ол 2015 жылы қамауға алынған болатын. Қазір сотқа үйінен кеп жүрген оның ешкіммен тілдесуге құлқы жоқ.

amirhan-amanbaev-e1425549336502

Загрузка...