Атырауда өтуі тиіс Жер туралы комиссияның көшпелі отырысы кейінге шегерілді

89 просмотров

Осы сенбіде Атырауда өтетін Жер туралы комиссияның көшпелі отырысы кейінге шегерілді.

Бұл туралы осы комиссияның белсенді мүшесі Мұхтар Тайжан Фейсбуктегі жеке парақшасында жазды.

„Қазір комиссияның штабымен сөйлестім. Олар өздері Атырауға дейін ұшаққа билет алып дайын отырған еді. Бірақ аяқ астынан объективтік себеппен комиссия жиналысы болмай қалды, осы жолы. Мәселе — Атырауда емес, жалпы, осы аптада ешқандай жиналыс өтпейді дейді„ деп әлеуметтік желідегі өзінің парақшасында жазған Мұхтар Тайжан келесі аптада жиналатындықтарын, өздеріне комиссия жұмысының саны емес, сапасы маңызды екендігін айтқан.

Сондай-ақ ол Жер туралы комиссияның жағымды жаңалықтарымен де бөлісті.

„Жақсы жаңалықтар да бар. Соңғы жиынымызда Айдын деген жігіт көтерген проблема бойынша Шығыс Қазақстан облысына Астанадан арнайы адам іс-сапармен кетті. Бәрін тексеріп, зерттеп келеді. Жергілікті прокуратура оған көмек көрсетеді. Көреміз. Бұл іс бақылауға алынды, ал тексерудың нәтижесін Сіздерге баяндап, айтамыз әлі„ делінеді оның жазбасында.

Загрузка...