Қостанайда бір жігіт 13 жастағы қыздың көзіне қасақана оқ атқан. Зардап шегуші ауруханаға түсті, ал оқ атқан жігітке іздеу жарияланды.
Бұл туралы Қостанай облыстық ІІД баспасөз қызметінің жетекшісі Елена Кашаринаға сілтеме жасап, “Наш Костанай” басылымы хабарлайды.
– Қазір оқиғаның мән-жайы анықталып жатыр. Осы дерек бойынша ҚР Қылмыстық кодексінің 106-бабы, яғни “Денсаулыққа қасақана ауыр зиян келтiру” бойынша қылмыстық іс қозғалды, – деді Елена Кашарина.
Жәбірленуші жатқан көз аурулары облыстық ауруханасының дәрігерлері бұл жайтқа қатысты пікір білдіруден бас тартқан. Алайда қыздың жарақаты ауыр екені, оның ұзақ уақыт ем алатыны белгілі болды.