Қостанай облысындағы төтенше жағдай толықтай жойылды

34 просмотров

Қостанай облысының Суриковка ауылында төтенше жағдай толықтай жойылды. Бұл туралы облыстық төтенше жағдайлар департаментінің басшысы Талғат Кәкімов мәлімдеді.

— Көктемгі су тасқыны кезінде су басқан Суриковкада 3 миллион текше метрден астам су айдалды, — дейді ол.

Биыл сәуірде бұрынғы көл орнындағы ауылды толықтай су басып кетті. Оқиға орнынан 55 адам эвакуацияланды. Құтқарушылар екі ай бойы апаттың салдарын жоюмен айналысты.

Арнайы комиссия қабылдаған тексеру нәтижесі бойынша 19 зардап шеккен отбасыға көмек ретінде 1 миллион теңгеден берілді. 21 отбасы облыстық бюджеттен 30 айлық есептік көрсеткіш немесе 63 630 теңге көлемінде көмек ақша алды.

Құтқарушылар адам мен мал шығынын болдырмауды басты назарға алды — деді облыстық төтенше жағдайлар департаментінің бастығы.

Загрузка...