Қостанай облысында екі қыз балаға қол салған педофил сотқа тартылды

79 просмотров

Балаларды азғырып, нәпсісін қандыруға мәжбүрлемек болған Қостанай облысының 59 жастағы тұрғыны сотқа тартылды. 

Бұл туралы облыстық соттың баспасөз қызметі хабарлады.

Қостанай облысы Қарабалық ауданының 1957 жылғы  тұрғыны ҚР Қылмыстық кодексінің  124-бабы, 1-бөлімі , яғни «Жас балаларды азғындық жолға түсіру. Көрінеу жас балаға қатысты күш қолданбай азғындық әрекеттер жасау» бойынша айыпталды.

Сот санкциясында 4 жылға дейін бостандығын шектеу немесе 3-тен 5 жылға дейін бостандығынан айыру қарастырылған.

Сонымен қатар, оған ҚР Қылмыстық кодексінің 124-бабы, 3-бөліміндегі «Осы баптың бірінші немесе екінші бөліктерінде көзделген, бірнеше рет жасалған іс-әрекеттер» айыбы тағылды.

Баптың санкциясында белгілі бір лауазымдарды атқару немесе белгілі бір қызметпен айналысу құқығынан 10-нан 20 жылға дейін айыру немесе  7-ден 9 жылға дейін бас бостандығынан айыру қарастырылған.

Педофилден 11 және 12 жастағы қыздар зардап шеккен.

Загрузка...