Ресейдің jpgazeta.ru деп аталатын сайты өз ақпаратында қазақстандық былғары қолғап шебері Геннадий Головкинді “ресейлік чемпион” деп атапты.
Мақала күні кеше ғана Гена мен британдық Келл Бруктың арасында өткен жекпе-жекке арналған екен. Ақпарат құралы Генаны бір емес, бірнеше рет “ресейлік” деп атап көрсеткен.
“Бүкіләлемдік бокс қауымдастығының дерегінше ресейліктің келесі қарсыласы америкалық Дэниел Джейкобс болуы мүмкін” деп жазады енді бірде jpgazeta.ru.
Ілгеріде атап өткеніміздей сайт Генаны бір емес, бірнеше рет ресейлік деп жазған. Біз мұны арандату деп түсіндік. Ресейлік сайттардың жерлесіміздің өз азаматы етіп көрсетуі бірінші рет емес.
Гена – қазақтың баласы. Ол оны өмірдегі және шаршы алаңдағы мінезімен, жүріс-тұрысымен, киім киісімен-ақ әрдайым дәлелдеп жүр.