Органдағы жемқорлық қылмысты әрбір бесінші жол полиция қызметкері жасаған

31 просмотров

Астана қаласы ішкі істер органдарындағы жемқорлық қылмысты әрбір бесінші жол полиция қызметкері жасаған. Бұл туралы жемқорлыққа қарсы қызмет ұйымдастырған профилактикалық дәріс кезінде айтылды.

ҚазАқпараттың хабарлауынша, жол полициясының жеке құрамына пара алғаны үшін ұсталып, қазір жазаларын өтеп жатқан тәртіп сақшылары жайлы видеоролик көрсетілді. Соның ішінде елордалық полицияның бұрынғы қызметкерлері Еділов пен Спановтың өкінгені көрсетілді.

„Астана қаласы ішкі істер органдарындағы әрбір бесінші жемқорлық қылмысты жол полицейлері жасаған. Көп жағдайда олар пара алғаны және қызметін асыра пайдаланғаны үшін қылмыстық жауапкершілікке тартылады„  деп хабарлады Сыбайлас жемқорлыққа қарсы іс-қимылдар ұлттық бюросының баспасөз қызметінен.

Сонымен қатар ҚР Ішкі істер министрлігі құрылымдық және аумақтық құрылымдарының басшылары жасаған қылмыстардан мысалдар келтірілді.

Ұлттық бюро төрағасының орынбасары Алик Шпекбаев жол полицейлері қатарында кез келген жемқорлық әрекеттерге абсолютты төзімсіздік ортасын қалыптастыру керек екенін айтты.

Сонымен қатар жемқорлыққа қарсы қызмет қытайлық тәжірибе бойынша жол полицейлері үшін түрмеге «экскурсия» ұйымдастыруды ұсынды.

 

Загрузка...