Алматыда түрлі қораптағы шақпақ қанттардың салмағы кем екендігі анықталды. „Бұл туралы Техникалық реттеу және метрология комитетінің Алматы қаласындағы департаменті жүргізген тексеру қорытындысында айтылады„ деп хабарлайды zakon.kz.
Мысалы, салмағы 350 грамм тұруы тиіс «Crystal» шақпақ қанты, анықтай келгенде, 337,10 грамм, сол секілді салмағы 750 грамм болуы тиіс «Naturel» шақпақ қанты 730,47 грамм болып шықты.
„Балшекер„ қорабының да салмағы белгіленген мөлшерден біршама төмен.
– Серхат„ ЖШС осы құқық бұзушылық фактісі бойынша әкімшілік жазаға тартылды, ал салмағы толық емес өнімдер дүкен сөрелерінен алынды – дейді Техникалық реттеу және метрология комитетінің Алматыдағы департаментінің жетекшісі Гүлназ Халықова.