Оралда өтірік полиция болып жүрген әйелге қатысты сот үкімі шықты

189 просмотров

Оралда полиция киімін киіп, көшеде жүрген әйелге айыппұл салынды.

Бұл туралы облыстық соттың баспасөз қызметі хабарлады.

Орал қаласы мамандандырылған ауданаралық соттың қаулысымен ҚР Әкімшілік құқықбұзушылық кодексінің 675-бабы 1-бөліміне сәйкес, полиция қызметкерінің арнайы киімін киген әйелге 5 айлық есептік көрсеткіш көлемінде, яғни 10 605 теңге айыппұл салынып, арнайы киім тәркіленді.

Батыс Қазақстан облысы сотының баспасөз қызметінен түскен мәліметке қарағанда, аталған әйел көшеде полиция киімін киіп жүрген кезде ұсталған. Сот талқысында ол өз кінәсін мойындады және бұл іс материалдарымен расталды.

Сот қаулысы заңды күшіне әлі енген жоқ.

Загрузка...