Оралда сұйылтылған газ екі есеге қымбаттады
Жекеменшік газ құю станциялары көгілдір отынның бір литрін 70-75 теңгеге сатып жатыр.
Оралда сұйытылған газ тапшылығы мәселесі әлі күнге дейін шешімін таппай келеді, деп хабарлайды BNews.kz. Газ құю үшін күн сайын сағаттап кезекте тұратын жүргізушілердің әбден ығыры шыққан.
– Мен бағдарлы автобуста жұмыс істеймін. Көлігіме газ құю үшін бағдарды ауыстыруға мәжбүр болып жүрмін. Станциялардың көбісі отынды талонмен ғана сатады. Жекеменшіктері газдың бағасын 75 теңгеге дейін шарықтатып жіберген. Литрін 45 теңгеге сатып жатқан станциялар бар, бірақ онда ұзын-сонар кезек, – дейді жүргізуші Еркін Сапашев.
– Жеңілдікпен сату бағасы тоннасына 11 мыңнан 23 мың теңгеге дейін көтерілді. Жекеменшік газ құю станцияларын бақылауға еш құқымыз жоқ. Үш оператор газды жеңілдікпен алады және бір литрін 39 теңгеден сатады, – дейді БҚО Энергетика басқармасының басшысы Ғалым Орынғалиев.
Айта кетсек, осыған ұқсас жағдай көршілес Ақтөбе қаласында да орын алып отыр. Алайда мәселені шешу үшін атқарушы органдар жекеменшік станциялардың қожайындарымен сұйылтылған газ бағасын негізсіз көтермеу туралы меморандум бекітті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе