Оралда Қайрат Нұртас ән салып жатқанда екі қыз төбелесіп қалды (видео)

3 749 просмотров

Оралда қала күнін тойлау салтанында Қайрат Нұртас ән салып жатқанда, ыңғайсыз жайт болды.

«Мой город» порталының хабарлауынша, бұл концерт Атоян атындағы стадионда өткен. Сахнада жергілікті әртістермен қатар Тұрсынбек Қабатов пен Қайрат Нұртас сынды Қазақстанның танымал жұлдыздары да өнер көрсетті.

Милиондаған қыздың жүрегін жаулаған Қайрат Нұртас концерттің шымылдығын жабар алдында сахнаға шықты. Халық әншіні зор қошеметпен қарсы алды. Билеп, ысқырып, көңіл көтерді.

Сахнаның көрермендер жағына ұзыннан темір бөгет қойылған. Оған қоса ол арада полиция қызметкерлері мен Ұлттық гвардияның солдаттары да тұрды. Қайрат Нұртас сахнаға шыққанда жанкүйерлер оған ұмтылып, темір бөгетті итере бастады.

Бірақ бекініс мықты болып, әнші өз әнін сахнада сәтті орындап шықты. Тек екі қыздың қатты жолы болмады. Сахна алдындағы бекіністен өте алмаған соң ашуланған екі қыз ызасын бір-бірінен алды. Біреуі шашына жармаса, келесі де есесін жібермей, жұдырық сілтеп жатты. Оларды сол арадағы тәртіп сақшылары ажыратып, алып кетті.

Загрузка...