Қорғасты су басу қаупі уақытша жойылды

34 просмотров

Қорғас өзенінде бұрынғы өзен бойында қорғаныс үшін салынған топырақ бөгетті су шайып кетті.

Салдарынан, әсіресе, өзеннің сол жағалауындағы көпірдің арғы бетіндегі «Қорғас» шекара маңындағы халықаралық орталық нысандарға және Қазақстан шекара қызметінің №2091 әскери бөлімшесінің бақылау-із кесу жолағы орналасқан аумаққа қауіп төнді.

Бұл туралы Қазселденқорғау сайтында хабарланды.

Бүгінде Қазселденқорғау мекемесінің Алматы облыстық пайдалану басқармасының құрамында 14 адам және 13 техника бірлігі жұмылдырылған апаттық тобы жұмыс істеп жатыр.

Қорғас өзенінде жағдай тұрақталды, мұндағы су өтімі секундына 25  текше метрді құрайды.

«Қолға алынған шаралар негізінде нысандарға төнген қауіп уақытша жойылды», — деп хабарлады Қазселденқорғау мекемесінде.

Загрузка...