Оппозицияның өкілі, біраз уақыттан бері қамауда жатқан «Алға» партиясының экс-төрағасы Владимир Козлов биліктен өзін шартты түрде мерзімінен бұрын босатуды сұрап отыр.
Айта кетсек, 2012 жылы Козлов атышулы Жаңаөзен оқиғасына қатысты «ел арасында алауыздық тудырды» деген айыппен, 7 жарым жылға сотталған-тұғын. Козловтың өзін мерзімінен бұрын босатуды сұраған өтінішін оның заңгері Айман Омарова хабарлады.
Владимир Козлов шартты мерзімінен бұрын босатылуға осымен екінші рет өтініш беріп отыр.
Бұған дейін «оның тәртіп жазасы болғандықтан» өтініші қабылданбаған болатын.