Қазақстандық жеңіл атлет, олимпиада чемпионы Ольга Рыпакова Бирмингемде өткен “Гауһар лига” сайысында алтын жүлде иеленді. Бұл туралы vesti.kz хабарлайды.
Рыпакованың бұл жетістігі осы маусымдағы оның үздік көрсеткіші екенін айта кету керек. Еске сала кетсек, Ольга Римде өткен “Гауһар лиганың” бесінші кезеңінде екінші орын алып, Ибаргуенге ғана жол берген еді.
Жеңіл атлет алдағы Рио олимпиадасында да ел намысын қорғайды.