Оңтүстіктің мәдениет басқармасына жаңа басшы тағайындалды
Оңтүстік Қазақстан облыстық мәдениет басқармасына жаңа басшы тағайындалды. Конкурстық іріктеу нәтижесіне бұл лауазымға Ахметжанов Нұрболат тағайындалды.
Мәдениет басқармасына жаңа басшысы Нұрболат Ахметжанов 1963 жылы туған, білімі жоғары. Мамандығы бойынша — концерттік орындаушы, оқытушы, заңгер бакалавры.
2002-2006 жылдары Қазақстан Республикасы мәдениет министрлігінде халық шығармашылығы және аймақтық саясат басқармасының басшысы, Қазақстан Республикасы парламенті мәжілісі аппараты заң бөлімінің бас консультанты лауазымдарында қызмет атқарған.
2006-2014 жылдары Қазақстан Республикасы мәдениет және ақпарат министрлігінде өнер департаменті директорының орынбасары, мәдениет және тілдерді дамыту департаменті директорының орынбасары, Шығыс Қазақстан облыстық мәдениет, мұрағат және құжаттамалар басқармасының басшысы лауазымдарын атқарған.
2015 жылдан бастап бүгінгі күнге дейін Қазақстан Республикасы премьер-министрі орынбасарының кеңесшісі, Қазақстан Республикасы мәдениет және спорт министрлігі мәдениет және өнер жұмыстары жөніндегі департаменті директорының орынбасары лауазымдарында қызмет атқарған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе