Cыбайлас жемқорлыққа қарсы іс-қимыл ұлттық бюросының оңтүстіктегі департаменті өңірде денсаулық саласына қатысты бірнеше лауазымды тұлғаның құйтырқы әрекетін жария етті.
Бұл жолы құрыққа денсаулық сақтау және әлеуметтік даму министрлігінің медициналық қызметке ақы төлеу комитетінің күнгейлік департаменті басшылары ілінген деп хабарлайды otyrar.kz.
Күдіктілер жалпы сомасы 12 мың АҚШ долларын алып, ауқымды сыбайлас жемқорлыққа барған.
Олардың бұл заңсыз әрекеті 20 шілде күні әшкере болды. Сонымен қатар департамент басшысы да сұрауға алынуда. Оған қатысты да бірнеше рет заңсыз сыйлықтар мен ақшалай пара алған деген күдік бар. Қазіргі таңда тергеу амалдары жүріп жатыр.
Еске сала кетелік, бір апта бұрын Сыбайлас жемқорлыққа қарсы ұлттық бюросы жүргізген арнайы операциясы кезінде Оңтүстік Қазақстан облысының ішкі істер департаменті әкімшілік полициясының тіркеу-емтихан бөлімшесінің 15 қызметкері ұстағалғаны мәлімделген еді.